Sot do të nisë zgjerimi i rrugës Gjilan - Bujanoc Foto: Koha / ilustrim

Sot do të nisë zgjerimi i rrugës Gjilan - Bujanoc

30 September 2019 09:39

Sot do të fillojnë punimet në zgjerimin e rrugës Gjilan - Bujanovc, nga rrethrrotullimi i fabrikës së baterive deri te kyçja e Autoudhës R 7.1, njofton përmes një komunikate Ministria e Infrastrukturës, transmeton Koha.net.

Sipas njoftimit, rruga Gjilan - Bujanovc ka gjatësi mbi 2.9 kilometra dhe vlera e saj është mbi 2 milionë e 860 mijë euro. “Kjo rrugë do të bëhet me katër korsi, shtegun për këmbësorë dhe infrastrukturën tjetër përcjellëse, përfshirë edhe ndriçimin”, thuhet tutje në komunikatë.

Gjithashtu, MI thotë se me këtë projekt do të zgjerohen dhe rregullohen edhe rrethrrotullimet te kthesa e fshatit Shillovë, që është nyja e unazës se qytetit të Gjilanit, rrethrrotullimi në Shillovë dhe ai te kyçja e Autoudhës R7.1 te bunari i Përlepnicës.

© KOHA. Të gjitha të drejtat janë të rezervuara.

Komentet

Shto koment

Të ngjashme