Në QMF-në e Kijevës në Malishevë rifillon puna, pas riparimit të objektit

Në QMF-në e Kijevës në Malishevë rifillon puna, pas riparimit të objektit

19 September 2019 10:33

Qendra e Mjekësisë Familjare (QMF) në Kijevë, është riparuar në tërësi, falë një donacioni nga organizata zvicerane AQH, dhe tashmë ka rifilluar ofrimi i shërbimeve shëndetësore në këtë qendër, por në kishte më të mira dhe ambient më të zgjeruar, bëhet e ditur përmes një komunikate për media.

Për këtë qëllim, kryetari i Komunës së Malishevës, Ragip Begaj dhe drejtori i Drejtorisë për Shëndetësi dhe Mirëqenie Sociale, Liridon Hoti, sot e kanë vizituar QMF-në në Kijevë.

“Pas riparimeve të bëra brenda ambienteve të kësaj qendre, janë krijuar kushte më të mira për ofrimin e shërbimeve shëndetësore, për të gjithë banorët e kësaj të cilët i marrin shërbimet këtu. Këto riparime të kryera janë bërë falë bashkëpunimit të mirë me AQH-në, të cilët i falënderoj për investimet e vazhdueshme në shëndetësi në komunën tonë”, tha Begaj, i cili u nda i kënaqur me këtë investim.

Drejtori i Drejtorisë për Shëndetësi dhe Mirëqenies Sociale, Liridon Hoti, tha se bashkëpunimi i mirë me AQH-në, ka bërë që kjo organizatë zvicerane të vazhdoj për përkrahë shëndetësinë në Malishevë, përmes projekteve të ndryshme dhe në fusha të ndryshme të shëndetësisë, përmes mjete konkretizuese dhe investimeve si kjo. Sipas tij, AQH, në riparimin e QMF në Kijevë, ka investuar 22 mijë e 800 euro.

© KOHA. Të gjitha të drejtat janë të rezervuara.

Komentet

Shto koment

Të ngjashme