AKP-ja s`e kundërshton renovimin e ndërtesës së administratës komunale në Prizren

AKP-ja s`e kundërshton renovimin e ndërtesës së administratës komunale në Prizren

Fisnik Minci 19 September 2019 12:32

Agjencia Kosovare e Privatizimit përmes një shkrese dërguar në adresë të lidershipit komunal të Prizrenit ka konfirmuar se nuk i kundërshton punimet që po zhvillohen në ndërtesën e administratës lokale për krijimin e Qendrës me një ndalesë (One Stop Shop).

Shkresa e AKP-së për këtë çështje është publikuar në rrjetet sociale nga Drejtori i Administratës në Komunën e Prizrenit, Osman Hajdari, i cili ka pohuar se në këtë rast Ekzekutivi lokal ka vepruar drejt, shkruan sot Koha Ditore.

Në shkresën e AKP-së theksohet se kjo agjenci nuk ka kundërshtime për punimet në renovimin e ndërtesës në fjalë.

"Pas sigurimit të informatave të detajuara dhe sqarimeve të domosdoshme nga ana e Komunës së Prizrenit, respektivisht pas konfirmimit që nuk bëhet fjalë për rrënim apo modifikime strukturore, AKP nuk kundërshton punimet për renovimin e brendisë së objektit si rezultat i projektit përkatës të ashtuquajtur "One Stop Shop", i bashkëfinancuar në mes të MAP-it, MAPL-së dhe Komunës së Prizrenit, projekt ky në dobi të qytetarëve dhe bizneseve të Komunës së Prizrenit”, ka bërë të ditur AKP-ja, duke vënë në dijeni Komunën se “këto punime nuk mund të prejudikojnë apo afektojnë në të ardhmen çfarëdo pretendimi pronësor mbi objektin në fjalë, i cili është në pronësi të NSH "Bankkos" me seli në Prishtinë”.

Ndërsa drejtori Hajdari ka theksuar se ky është një moment kthese në punët e Komunës, ngase ajo ka një model të ri qeverisjeje, konform parimeve dhe normave ligjore, më të mirën për qytetarët dhe shërbime administrative të avancuara si asnjëherë më parë.

(shkrimin e plotë e gjeni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme