Objekti aktual, i cili është pronë e Trepçës, në mungesë të një objekti adekuat, përdoret si Qendër mjekësore nga banorët e fshatit Kishnicë.
Mirëpo, këtu shërbimet mjekësore mund të kryhen vetëm një herë në javë. Banorët e këtij fshati thonë se në këtë ambulancë ka mungesë të stafit dhe se shërbimet po i marrin në mënyrë të reduktuar, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdonëse fshati është në territor të Komunës së Graçanicës, kjo ambulancë është nën administrim të Komunës së Prishtinës.
E, në anën tjetër, nga Drejtoria e Shëndetësisë, në një përgjigje për KTV-në, kanë thënë se gjendja e tillë është e përkohshme shkaku i verës.
Sipas përgjigjes së Komunës, shërbimet janë ofruar 2 herë në javë dhe janë përshtatur me nevojat e banorëve, por tani, në muajt e verës dhe deri në fund të gushtit, Qendra do të ofrojë shërbime mjekësore vetëm një herë në javë.
“Kjo AMF, punon me orar të përshtatur për nevojat e banorëve të fshatit. Shërbimet e infermierisë jepen gjatë tërë javës, kurse deri në fillim të muajit korrik shërbimet e mjekut familjar janë ofruar dy herë në javë. Gjatë verës, në korrik e gusht, shërbimet e mjekut familjar do të ofrohen një herë në javë për shkak të pushimeve vjetore dhe mungesës së mjekëve në tërë sistemin shëndetësor”, thuhet në përgjigjen e Drejtorisë së Shëndetësisë në Prishtinë.
Nga paslufta ky objekt kishte edhe barnatoren e tij, por tani ajo është jashtë funksionit.