Zvarritet projekti për ndërtimin e ujësjellësit në disa vendbanime të Gjilanit

Zvarritet projekti për ndërtimin e ujësjellësit në disa vendbanime të Gjilanit

Feim Azemi 10 May 2019 10:45

Ndërtimi i sistemit të ujësjellësit në disa fshatra në Komunën e Gjilanit është zvarritur, teksa qeverisja komunale ka kërkuar nga kompania regjionale e ujësjellësit “Hidromorava” përgjegjësi në lidhje me ngecjet të cilat janë shënuar.

Komuna ka nënshkruar marrëveshje të bashkëpunimit dhe bashkëfinancimit me kompaninë “Hidromorava” dhe me CDI-në zvicerane. Me këtë marrëveshje është paraparë ndërtimi i rrjetit në lagjen “Poredin”, e cila gjendet në qytetin e Gjilanit, si dhe investimet në sistemin e rrjetit të ujësjellësit në fshatrat Verbicë e Kmetocit, Bilinicë, Vrapçiq. Vlera e investimit kap shifrën mbi 800 mijë euro.

Kryetari i Komunës së Gjilanit, Lutfi Haziri, ka deklaruar se ka vonesa në implementimin e projektit dhe se ka kërkuar përgjegjësi nga kompania “Hidromorava”, shkruan sot Koha Ditore.

“Kemi vonesë në ndërtimin e ujësjellësit, Belinicë, Vrapçiq dhe Stublinë dhe rehabilitimi i rrjetit në Nasalë. Besoj shumë që ‘Hidromorava’ si bartesë e projektit deri të premten me na pru dinamikën e re të realizimit të programit. Sa i përket programit që kemi vendosur, është projekti i gjelbërimit të qytetit, është parku ‘Baja’, ‘Parku i paqes’ dhe ‘Parku i pajtimit’ në fshatin Bresalc”, ka thënë Haziri gjatë mbledhjes së bordit të drejtorëve.....(Më gjerësisht, sot në "Kohën Ditore")

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme