Nis protesta kundër shfuqizimit të parcelave dhe ndërtimeve shumëkatëshe afër Kullës “Sulejman Vokshi” Foto: Koha

Kalon propozim-vendimi për shfuqizimin e vendimit që shpronëson parcelat rreth kullës Sulejman Vokshi

Shaban Maxharraj Shaban Maxharraj 04 March 2019 09:56
11:38

Në mbledhjen e Kuvendit Komunal, me 18 vota pro dhe 14 kundër ka kaluar propozim-vendimi për shfuqizimin e vendimit nëpërmjet të cilit shpronësohen parcelat rreth kullës së Sulejman Vokshit.

09:56

Nis protesta kundër shfuqizimit të parcelave dhe ndërtimeve shumëkatëshe afër Kullës “Sulejman Vokshi”

Shoqëria civile dhe pjesëtarë të opozitës në Gjakovë, kanë nisur protestën kundër shfuqizimit të parcelave dhe ndërtimeve shumëkatëshe në afërsi të Kullës “Sulejman Vokshi”.

Ndërkaq, kujtojmë se në orën 10:00 mbahet mbledhja e Kuvendit Komunal, raporton Koha Ditore.

Dje, Grupi për Studime Juridike dhe Politike përmes një reagimi për media shprehu keqardhje për tentimin e tretë me radhë të kryetarit të Komunës së Gjakovës, Ardian Gjini, dhe disa anëtarëve të Asamblesë Komunale për të anuluar vendimin e mëhershëm të po të njëjtit institucion (të vitit 2015) që i garanton statusin e “zonës së veçantë e mbrojtur” zonës përreth Kullës së Sylejman Vokshit; monumentit të trashëgimisë kulturore - që mbetet simbol i vetëm i heroit kombëtar dhe njërit ndër prijësve të Lidhjes së Prizrenit.

Ditë më parë, Kryetarja dhe deputetja e Alternativës, Mimoza Kusari-Lila, dikur kryetare e Gjakovës, tha se tendenca e shfuqizimit të vendimit të interesit të veçantë për parcelat rreth Kullës është një krim që po i bëhet Komunës së Gjakovës nga ana e strukturës aktuale qeverisëse.

© KOHA. Të gjitha të drejtat janë të rezervuara.

Komentet

Shto koment

Të ngjashme