Ndërtimi i trotuareve në Gjilan zvarritet prej 2 vjetësh

Ndërtimi i trotuareve në Gjilan zvarritet prej 2 vjetësh

12 shkurt 2019 11:31

Dy vjet nuk i kanë mjaftuar Zyrës së prokurimit në Gjilan që të kontaktojë një kompani për ndërtimin e trotuareve në lagjen “Dardania”.

OSHP-ja ka publikuar vendimin për anulimin e tenderit për ndërtimin e trotuareve në lagjen “Dardania”, ngase është gjetur se zyra e prokurimit nuk e ka respektuar Ligjin e prokurimit publik. Është kërkuar nga zyra e prokurimit që këtë lëndë të kthejë në rivlerësim, shkruan sot Koha Ditore.

Opozita në Komunën e Gjilanit vlerëson se fajtor kryesor për gjendjen e cila është krijuar në zyrën e prokurimit është qeverisja komunale e Gjilanit. Ata vlerësojnë se kryetari i Komunës së Gjilanit nuk është i interesuar që të ballafaqohet me dobësitë të cilat janë duke shoqëruar qeverisjen e tij. Këshilltari komunal nga radhët e Lëvizjes Vetëvendosje, Arianit Sadiku, deklaron se qeverisja komunale është duke mbyllur sytë kundrejt problemeve të cilat janë në këtë zyrë. Ai thotë se qytetarët janë duke u dëmtuar nga mosrealizimi i projekteve.

(Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme