Majlinda Kelmendi: Jo veç në sport po çka do, duhet të kërkoni ndihmë nga psikologët e psikiatri

Edicioni i parë veror i emisionit “Jeta SOT” në Kohavision, nisi me dy figurat e dashura të sportit të xhudos, kryemjeshtrit të xhudos Driton Kuka e xhudistes Majlinda Kelmendi.

Kuka e Kelmendi folën për nisjen e rrugëtimit të tyre në xhudo. Sfidat, barrierat, mungesën e kushteve në fillimet e tyre, e deri tek suksesi i artë shtetëror, evropian e botëror i dyshes, ata i shpalosën në “JetaSOT”.

Mes rrëfimesh, xhudistja Majlinda Kelmendi foli edhe për “luftën” me shëndetin mendor.

“Kur e mbylla karrierën, 1 vit e kam pas shumë të vështirë. Fillova me pas atak paniku”, ka thënë xhudistja kosovare.

Lidhur me këtë temë, ajo theksoi rëndësinë e profesionistëve shëndetësor dhe konsultat me ta si ndihmesë për t’i kaluar krizat emocionale.