“Vaskat e Currelit”, mrekullia e Gjakovës

Këtë javë ekipi i emisionit “Jeta” i Kohavisionit, ka udhëtuar drejt fshatit Kusar të Gjakovës.

Ndryshe nga herë të tjera kur janë sjellë nga afër shpellat e njohura të Kusarit, të cilat vizitohen nga shumë turistë, përmes këtij edicioni vjen një mrekulli tjetër e natyrës së fshatit, siç e quajnë banorët.

Fjala është për “Vaskat e Currelit” një burim i pashtershëm uji, rrjedha e të cilit sipas banorëve, nuk dihet prej nga vjen.

Në verë e në dimër, ky atraksion turistik është tejet i frekuentuar nga vet banorët.

Agim Idrizi, bjeshkatar nga Gjakova, i cili ka arritur t’i vizitojë thuajse të gjitha bjeshkët e trojeve shqiptare, e eksploroi edhe këtë bukuri në fshatin Kusar.

Edhe SOT 13 jan 2026 Historia prapa fotografisë virale dhe ndihmës që ofruan zjarrfikësit pas përmbytjeve në Gjakovë

Si dashamirës i natyrës dhe bjeshkëve, Idrizi ka përmendur rëndësinë e ruajtjes së tyre, pasi që siç ka thënë ai, po ndodh krejt e kundërta.

“Vaskat e Currelit” ku buron lumi Currel, për banorët e Kusarit, mbetet ndër vendet më të bukura ku i kalojnë shpesh edhe vikendet.