19-vjeçarja, kryetare e fshatit me afro 10 mijë banorë

Rogova e Hasit të Gjakovës tashmë do të ketë për kryetare fshati një vajzë, 19-vjeçarja studente e Shkencave Kompjuterike. Ekipi i emisionit “Jeta” e ka vizituar Filloreta Hotin, të renë, e cila thotë se ka synime të qarta për ndryshimet që do t’i bëjë në fshatin e saj.

Rogova është fshat në Komunën e Gjakovës. Ky vendbanim bën pjesë në mesin e fshatrave më të mëdha të Kosovës.

Shtrihet në anën e Hasit dhe ndodhet rreth 15 kilometra në periferi të Gjakovës.

Filloreta si 19-vjeçare e zgjedhur nga rogovasit për kryetare fshati, thotë së në fillim u paragjykua.

“Shumë prej tyre thoshin se a jam e denjë unë si vajzë për ta udhëhequr fshatin”, shprehet ajo.

Edhe Arbëri 24 pri 2025 Përurohet ura 134-metërshe

Porse ishin të rinjtë e tjerë të Rogovës, të cilët po e ndihmojnë Filloretën në udhëheqje me iniciativa të ndryshme.

19-vjeçarja rogovase është kryetarja e parë femër e Rogovës së Hasit, fshat, i cili sipas saj në statistikat e fundit ka numëruar afro 10 mijë banorë.