“Kosova është Serbi! Faleminderit Larne”.
Kështu shkroi klubi serb i futbollit, Crvena Zvezda, të martën mbrëma, ndërsa publikoi një flamur anti-Kosovë të publikuar në stadiumin e Larnes në Irlandë të Veriut.
Në flamurin provokues shkruante “Kosova është Serbi”, ndërsa harta e Kosovës ishte e mbuluar me një stemë serbe.
Me postimin, klubi serb dëshironte që në opinion të kuptohej se flamuri anti-Kosovë ishte vepër e klubit nga Irlanda e Veriut.
Por kjo u mohua të mërkurën nga Larne. Ky klub përmes një komunikate tha se me të parë flamurin, janë angazhuar pjesëtarët e sigurisë për ta larguar. Po ashtu tha se flamuri u vendos nga një tifoz i paanshëm, që ishte i vendosur në sektorin e vendasve.
Pra bëhet fjalë vetëm për një shikues. Me shumë mundësi ndonjë huligan serb, nëse jo dikush i angazhuar nga klubi serb, shpesh i lidhur me grupe kriminale.
Larne reagon për flamurin anti-Kosovë: Veprim nga një individ që nuk është tifoz i klubit
“Cërvena Zvezda me të drejtë u turpërua për shkak të transparentit ‘Kosova është Serbi’”, ka shkruar mediumi boshnjak “Dnevni Avaz”.
Larne e Zvezda u takuan në kuadër të kualifikimeve të Ligës së Kampionëve.
