Anglia ka dhuruar paraqitje të shkëlqyer ndaj Kosta Rikës, në ndeshjen miqësore para nisjes së Kupës së Botës.
Ballafaqimin që nisi të mërkurën mbrëma e që përfundoi në orët e hershme të mëngjesit të së enjtes, Anglia e fitoi me rezultatin 3:0.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKjo ndeshje ishte në program të niste në orën 22:00, por u shty për një orë, për shkak të stuhive në Orlando.
Declan Rice shënoi për 1:0 me ndihmën e devijimit të topit në minutën e nëntë. Ai u asistua nga futbollisti i ri i Barcelonës, Anthony Gordon.
Në pjesën e parë, Anglia pati tjetër rast me Noni Madueken që e qëlloi shtyllën. Anglia e fitoi edhe një penallti në minutat shtesë të pjesës së parë, por vendimi u tërhoq pas rishikimit të situatës në VAR.
Jude Bellingham, i cili është vlerësuar lartë për paraqitjen në pozitën e numrit 10-të, ishte meritor në golin e dytë. Ai bëri veprim të shkëlqyer në zonë dhe pasoi për Eberechi Ezen. Topi pas tentimit të Ezes u prek me dorë në zonë, ndërsa nga penalltia nuk gaboi Gordon, në minutën e 68-të.
Ollie Watkins e shënoi golin 3:0 pas gjuajtjes së saktë me kokë, tre minuta para fundit.
Anglia do ta luajë edhe një ndeshje miqësore por me dyer të mbyllura ndaj Miami FC, para testit serioz ndaj Kroacisë në Botëror më 17 qershor.
Në Grupin L të Botërorit janë edhe Gana dhe Panamaja.