Tensione në Britani, protestuesit përleshen me policinë për vdekjen e një studenti pas arrestimit

Një numër i madh protestuesish janë përleshur me policinë në qytetin britanik të Southampton të martën vonë, për shkak të vdekjes së një studenti i cili ishte i prangosur nga policia pavarësisht se u kishte thënë oficerëve se ishte therë me thikë nga një person tjetër.

Rasti i 18-vjeçarit Henry Nowak në qytetin anglez në dhjetor ka tërhequr vëmendje të re pasi vrasësi u dënua me burgim të përjetshëm të hënën.

Vrasësi, 23-vjeçari Vickrum Digwa, i cili është Sikh (grup fetar indian), kishte raportuar në polici se ishte viktimë e një sulmi racist nga Nowak, i cili ishte i bardhë.

Oficerët në vendngjarje e besuan Digwan në atë kohë, por gjykata vendosi se ai gënjeu për sulmin.

Policia i kishte vënë pranga Nowakut pavarësisht se ishte i plagosur, dhe ai më pas kishte vdekur.

Protestuesit fillimisht u mblodhën jashtë stacionit të policisë së Southampton, pas së cilës ata marshuan drejt zonës afër vendit ku u vra Noëak, ku u përleshën me policinë e trazirave.

Zemërimi për mënyrën se si policia e trajtoi goditjen me thikë u rrit pas publikimit të një videoje që tregonte se oficerët e kishin injoruar Noëakun kur ai u kishte thënë atyre se ishte therur.

KUJDES: Pamje të rënda!

Kryeministri, Keir Starmer, ka thënë se ka pyetje që duhen përgjigjur në lidhje me mënyrën se si akuzat për racizëm ndikuan në vendimmarrjen në rastin e Nowak.