-
Nga:
BBC
- 8 qershor 2026 08:21
- Shpërndaje në:
Forcat Mbrojtëse të Izraelit (IDF) kanë kryer sulme ndaj “disa objektivave” në një kompleks petrokimik iranian në Mahshahr, në jugperëndim të vendit.
Si IDF-ja ashtu edhe mediat shtetërore iraniane e kanë konfirmuar sulmin. Mediat iraniane raportojnë se kompleksi, i cili ndodhet pranë bregdetit verior të Gjirit Persik, është dëmtuar pjesërisht.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMediat iraniane kanë bërë të ditur se më shumë informacione rreth dëmeve dhe "viktimave të mundshme" do të publikohen më vonë.
Sulmet izraelite u kryen pavarësisht se Benjamin Netanyahu ishte paralajmëruar të mos kundërpërgjigjej nga Presidenti amerikan Donald Trump, i cili tashmë ishte i zemëruar që kryeministri izraelit kishte shpërfillur paralajmërimet e tij për të mos sulmuar Bejrutin.
Shqetësimi i Trumpit është se veprimet e Izraelit mund të pengojnë negociatat e vazhdueshme midis Shteteve të Bashkuara dhe Iranit.
Një zyrtar amerikan, i cituar nga Axios News, tha se Trump i kishte kërkuar Netanyahut të priste, duke thënë: "Jemi afër arritjes së diçkaje pozitive sa i përket një marrëveshjeje."
Sipas raportimeve, javën e kaluar pati një bisedë telefonike veçanërisht të tensionuar mes dy liderëve. Trump nuk i ka mohuar raportet se ai ngriti zërin dhe përdori fjalor të ashpër ndaj Netanyahut për shkak të përshkallëzimit të sulmeve izraelite në Liban.
Më herët, presidenti amerikan i tha gazetës Financial Times se Netanyahu do të duhej të pranonte çdo marrëveshje që SHBA-ja do të arrinte me Iranin, sepse, sipas tij, "nuk do të ketë zgjidhje tjetër." Duke folur për Netanyahun, Trump tha: "Unë i marr të gjitha vendimet. Ai nuk i merr vendimet."
Trumpi la të kuptohej se SHBA-ja dhe Izraeli ishin shumë pranë arritjes së një marrëveshjeje. Megjithatë, ai e ka bërë këtë deklaratë edhe më parë, ndërsa deri më tani ende nuk është arritur ndonjë marrëveshje përfundimtare.
Rriten çmimet e naftës pas sulmeve mes Iranit dhe Izraelit
Çmimet e naftës kanë vazhduar të rriten pasi Irani dhe Izraeli shkëmbyen sulme me raketa për herë të parë që nga armëpushimi i arritur ndërmjet palëve dhe Shteteve të Bashkuara në muajin prill.
Çmimi i naftës së tipit Brent, që shërben si standard global, u rrit me 4.5 për qind, duke arritur në 97.30 dollarë për fuçi. Ndërkohë, nafta bruto e tregtuar në Shtetet e Bashkuara shënoi një rritje prej 4.3 për qind, duke u ngjitur në rreth 94.50 dollarë për fuçi.
Sipas profesoreshës së asociuar Jiajia Yang nga Universiteti James Cook në Australi, është ende herët për të përcaktuar nëse sulmet shënojnë një përshkallëzim të plotë të konfliktit, por tregtarët tashmë po llogarisin rreziqet e reja për tregjet globale të naftës.
Ndikimi i tensioneve u reflektua edhe në tregjet financiare aziatike. Bursa në Azi pësoi rënie të ndjeshme të hënën, me indekse të rëndësishme, si Kospi i Koresë së Jugut, që humbi gati 8 për qind të vlerës së tij.
Analistët paralajmërojnë se çdo përshkallëzim i mëtejshëm i konfliktit në Lindjen e Mesme mund të ketë pasoja të rëndësishme për furnizimin global me energji dhe stabilitetin e tregjeve ndërkombëtare.