Kryeministri në detyrë i Kosovës, Albin Kurti, ka thënë se që nga 19 dhjetori, Korporata Energjetike e Kosovës është duke prodhuar me kapacitetin e saj maksimal, me 5 njësi gjeneruese.
Kurti në një postim në Facebook ka thënë se KEK-u ndodhet në një moment historik të transformimit dhe se janë investuar mbi 500 milionë euro.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Modernizimi i turbinave dhe investimet tjera në njësitë B1 dhe B2, rehabilitimi i thellë i njësisë A3, investimet madhore në termocentralet Kosova A dhe Kosova B, dhe hyrja për herë të parë e KEK-ut në sektorin e energjisë së ripërtritshme përmes parkut solar, janë tejet të rëndësishme për sigurinë energjetike të vendit, stabilitetin ekonomik dhe zhvillimin afatgjatë. Me përfundimin e këtyre projekteve, Kosovës do t’i shtohen rreth 150 MË kapacitete shtesë në termocentralet ekzistuese dhe 100 MË kapacitete te reja gjeneruese nga burimet e ripërtrishme. Që nga 19 dhjetor i vitit që sapo lamë pas, KEK-u është duke prodhuar me kapacitetin maksimal të saj, me 5 njësi gjeneruese, në mënyrë që të kontribuojë në sigurinë e furnizimit në këto ditë të ftohta fundvitit dhe fillimvitit kur konsumi është i lartë”, ka shkruar Kurti.
Problemet me rrymë ka pasur në disa komuna të Kosovës në ditët e fundit.
KESCO ditëve të fundit ka vazhduar me dërgimin e SMS-ave te qytetarët duke u bërë thirrje për kursim të energjisë. Në mesazhet është thënë se sistemi është i mbingarkuar. E KOSTT-i kishte njoftuar se ngarkesat maksimale po arrijnë nivele rekorde.