Dani Carvajal është transferuar te skuadra e Getafes si lojtar i lirë.
Getafe të martën e ka zyrtarizuar transferimin e mbrojtësit spanjoll.
34-vjeçari Carvajal me Getafen ka nënshkruar kontratë deri në verën e vitit të ardhshëm.
Mbrojtësi i krahut ishte pa klub që kur kontrata me Realin i skadoi më 30 qershor.
Carvajal i ka luajtur 451 ndeshje me Madridin, ndërsa i ka realizuar 14 gola.
Carvajal ishte bashkuar me madrilenët që në vitin 2002.
Dhjetë vjet luajti për akademinë e 13 të tjera me skuadrën e parë. Ka fituar plot 27 trofe.
“Me 51 paraqitje për Kombëtaren e Spanjës dhe një karrierë të pasur në futbollin elitar, Carvajal nis një kapitull të ri në karrierën e tij sportive, në jug të Madridit. Dani Carvajal i bashkohet skuadrës azulon për të sjellë përvojën dhe lidershipin e tij në këtë aventurë të re. Getafe i uron mirëseardhje Dani Carvajal dhe i dëshiron shumë suksese në këtë fazë të re të karrierës së tij”, ka shkruar Getafe.