Arbër Zeneli ka regjistruar tjetër asistim për Elfsborgun në edicionin e sivjetmë.
Elfsborgu suedez të enjten mbrëma barazoi 1:1 në udhëtim te Rijeka kroate, në ndeshjen e parë të rrethit të tretë kualifikues të Ligës së Evropës.
Zeneli që e kompletoi ndeshjen, asistoi në golin për 1:0 të mysafirëve në minutën e 24-t.
Vëllai i tij i vogël, Besfort Zeneli, luajti vetëm në pjesën e parë.
Lindon Selahi te vendësit u inkuadrua në minutën e 73-të.
Ndeshja kthyese luhet pas një jave.
