Dy gola nga Zeneli në barazimin e Elfsborgut

Arbër Zeneli ka shënuar dy gola të premten mbrëma në barazimin e skuadrës së Elfsborgut.

Elfsborgu barazoi 2:2 me Orgryten në udhëtim në ndeshjen që i takoi xhiros së dhjetë të elitës së futbollit suedez.

Sulmuesi kosovar golin e parë e realizoi në minutën e 37-të kurse të dytin në minutën e 67-të. Ai luajti deri në minutën e 72-të dhe ishte prej më të mirëve në fushë.

31-vjeçari në 11 ndeshjet e zhvilluara këtë edicion në të gjitha garat ka kontribuar me gjashtë gola dhe dy asistime.

Elfsborgu renditet në pozitën e dytë me 18 pikë.