Granit Xhaka e ka afruar Zvicrën shumë pranë Kampionatit Botëror që vitin e ardhshëm mbahet në SHBA, Kanada e Meksikë.
Zvicra të premten mbrëma në Solna fitoi 2:0 ndaj Suedisë. Ndeshja i takoi Grupit B të kualifikimeve për Botëror.
Kapiteni Xhaka e shënoi golin e parë për Zvicrën. Ai realizoi nga pika e bardhë në minutën e 65-të.
Fare në fund, në minutën e 94-t, rezervisti Johan Manzambi e shënoi golin e dytë për helvetikët.
Zvicra i ka fituar tri ndeshjet e deritashme dhe udhëheq në grup me nëntë pikë. Suedia mbetet e fundit me vetëm një pikë.
Xhaka shënon për epërsinë e Zvicrës
Granit Xhaka e ka kaluar në epërsi Zvicrën ndaj Suedisë.
Xhaka golin e epërsisë e realizoi në minutën e 65-të nga penalltia.
Xhaka tregon pse mori përgjegjësinë për ta gjuajtur penalltinë
Granit Xhaka ka shënuar nga pika e bardhë për ta udhëhequr Zvicrën drejt fitores 2:0 ndaj Suedisë në Solna.
Xhaka ka treguar pse e mori përgjegjësinë për ta gjuajtur penalltinë.
“Me një paraqitje si kjo në udhëtim ndaj Suedisë mund t’ia hiqni kapelën ekipit. Zakonisht preferoj që sulmuesi të gjuajë penalltinë që të rrisë vetëbesimin. Por Breel Embolo më tha të gjuaj. E kam shfrytëzuar përvojën time si përparësi”, ka thënë Xhaka.
“Kemi fituar tri pikë shumë të merituar. Kemi shpresuar për fillim të kualifikimeve si ky dhe kemi vazhduar me ecurinë e mirë të viteve të fundit”, ka shtuar kapiteni i Zvicrës.