Futboll

Xhaka asiston në fitoren e Sunderlandit

Granit Xhaka

Granit Xhaka ka bërë tjetër paraqitje impresive me skuadrën e Sunderlandit.

Xhaka regjistroi një asistim për Sunderlandin që të shtunën e fitoi ndeshjen dramatike ndaj Bournemouthit në shtëpi me rezultatin, 3:2.

Kjo ndeshje i takoi xhiros së 13-të të Premier Leagues.

Xhaka që është edhe kapiten i Sunderlandit asistoi te goli për 2:2 të cilin e realizoi Bertrand Traore në minutën e 46-të. Ai e kompletoi ndeshjen.

Dy golat e tjerë për vendësit i shënuan Enzo Le Fee dhe Brian Brobbey.

Ndërkohë për Bournemouthin golat i shënuan Amine Adli dhe Tyler Adams.

33-vjeçari Xhaka këtë edicion në kampionatin anglez ka katër asistime dhe një gol të shënuar.

Për Sunderlandin ishte fitorja e parë pas një humbjeje e dy barazimeve.

Sunderlandi ka 22 pikë dhe është lartë në tabelë. Bournemouthi është në mesin e tabelës me 19 pikë.