Skuadra e Marseilles i pëlqen futbollistët e Lillet, dhe kjo u dëshmua me transferimin e Timothy Weahs që është huazuar nga Juventusi, dy vjet pasi u largua nga skuadra e Edon Zhegrovës, Lille.
Nga Lille, Marseille e kishte transferuar edhe Angel Gomesin.
Ka pasur raportime së fundmi se Marseille i dëshiron edhe shërbimet e Zhegrovës, sulmuesit të Kosovës.
Për këtë çështje në konferencën për shtyp të enjten, ka folur edhe Weah, që u prezantua te klubi i ri dhe i njohur francez.
“A do ta luajë agjentin e fshehtë për ta bindur atë të vijë te Marseille? Natyrisht! Por, nuk mendoj se do të ketë nevojë. Trajneri, zyrtarët e klubit, presidenti, janë shumë të mirë! Ata janë të këndshëm, e ndjen se janë duke folur nga zemra. Për këtë arsye u binda të vijë këtu. Mendoj se kur ata të flasin me të, 100 për qind do të jetë te Marseille”, ka deklaruar Weah, shkruan “Footmercato” të enjten.
Edhe
Letang: Nuk ka ofertë nga Marseille për Zhegrovën
Lille dëshiron 15 milionë euro, plus pesë milionë euro të tjera bonuse për Zhegrovën, i cili ka edhe një vit kontratë me këtë skuadër.
Zhegrova nuk ka luajtur prej gjysmës së muajit dhjetor të vitit të kaluar, për shkak të lëndimit të muskujve aduktor.
