Rocco Vata, i biri i Rudi Vatës, legjendës së Shqipërisë në futboll, e ka regjistruar asistimin e parë këtë edicion në kategorinë e dytë të futbollit anglez.
Ai dhuroi një asistim të shtunën në barazimin e skuadrës së Watfordit.
Watfordi barazoi 2:2 në shtëpi me Southamptonin. Kjo ndeshje i takoi xhiros së katërt.
Vata në lojë u inkuadrua në minutën e 57-të kurse asistoi te goli i barazimit për 1:1 të cilin e realizoi Kwadwo Baah në minutën e 65-të.
Për 20-vjeçarin Vata kjo ishte ndeshja e dytë e zhvilluar këtë edicion.
Ai pjesë e Watfordit është nga viti i kaluar.
Me Përfaqësuesen e Irlandës e ka një ndeshje të luajtur.