Sulmuesi Alexis Sanchez nuk pritet të vazhdoi më tek Interi.
Të hënën, eksperti i transferimeve Fabrizio Romano ka raportuar se skuadra e Interit nuk do t’i ofroj kontratë të re kilianit.
Sanchez për edicionin e ardhshëm do të jetë në kërkim të një aventure të re në karrierë. Në vitin 2022, Sanchez u transferua nga Interi te Marseille. Te skuadra franceze qëndroi vetëm një vit dhe më pas u kthye tek Interi.
35-vjeçari këtë edicion ka katër gola dhe katër asistime në 30 paraqitje për Interin.
Sane i gatshëm për një kontratë të re te Bayerni
Edhe
Kane fillon bisedimet për kontratë të re me Bayernin
Sulmuesi gjerman, Leory Sane, është i hapur për vazhdim të kontratës me skuadrën e Bayern Muenchenit.
Raportohet se drejtori sportiv i Bayernit, Max Eberl, dhe Sane javën e kaluar kanë diskutuar për rinovimin e kontratës. Por nuk ka pasur ndonjë marrëveshje, raporton të hënën “Sky Sports”.
Kontrata e 28-vjeçarit me gjigantin gjerman përfundon në verën e vitit të ardhshëm.
Sane është njëri ndër lojtarët kryesorë te Bayerni këtë edicion. Ai ka shënuar nëntë gola dhe ka kontribuar me 13 asistime.
Për gjermanin është edicioni i katërt me Bayernin. U transferua nga Manchester City për 49 milionë euro. Karrierë ka bërë edhe te skuadra si Schalke e Leverkuseni.
Kjaer nuk bën pjesë në planet e Milanit
Mbrojtësi Simon Kjaer me Milanin ka kontratë vetëm deri në fund të këtij edicioni. Të hënën menaxheri i Kjaerit, Mikkel Beck, ka njoftuar se danezi nuk do ta rinovojë kontratën me “kuqezinjtë”, raportojnë mediumet italiane.
Qendërmbrojtësi do të largohet nga gjiganti italian pas katër vjetësh qëndrim. 35-vjeçari në edicionin 2021/22 e ka fituar titullin e kampionit në Seria A.
Danezi u transferua nga Sevilla në vitin 2020 për tre milionë euro.
Guehi në radarin e Arsenalit dhe të Unitedit
Marc Guehi mund të jetë largimi i parë nga skuadra e Crystal Palace në verë, raporton të hënën “Times”.
Interesim për reprezentuesin e Anglisë kanë shprehur Manchester Unitedi dhe Arsenali.
Crystal Palace po synon që nga shitja e Guehit t’i përfitoj të paktën 55 milionë euro.
23-vjeçari është pjesë e Crystal Palacet nga viti 2021. Ishte transferuar në vitin 2021 nga Chelsea për 23 milionë euro.
Kontrata me Palacen i përfundon në vitin 2026.
Arsenali me kontratë të re për Gabrielin
Mbrojtësi brazilian, Gabriel, pritet ta vazhdojë kontratën me skuadrën e Arsenalit.
Edhe
Fernandezi kërkon largimin, Chelsea kërkon 120 milionë funte
Mësohet se Arsenali është duke e përgatitur një kontratë të re për Gabrielin, shkruan të hënën mediumi spanjoll “Fichajes”.
Te skuadra angleze janë të kënaqur me paraqitjet e brazilianit këtë edicion.
26-vjeçari në 47 paraqitje në të gjitha garat ka shënuar katër gola. Kontrata aktuale me Arsenalin i përfundon në vitin 2027.
Gabriel, i cili vlerësohet 65 milionë euro, tek Arsenali u transferua në vitin 2020 nga Lille për 26 milionë euro. Karrierë ka bërë edhe te disa skuadra si Dinamo Zagreb e Troyes.
Baleba po kërkohet nga Arsenali dhe Liverpooli
Arsenali dhe Liverpooli kanë shprehur interesim për të siguruar shërbimet e mesfushorit të Brightonit, Carlos Baleba.
Kështu kanë raportuar të hënën mediumit angleze.
24-vjeçari Baleba me fanellën e Brightonit këtë edicion në të gjitha garat është paraqitur në 35 ndeshje.
Kamerunasi, te Brightoni u transferua nga Lille vitin e kaluar për 27 milionë euro. Kontrata me skuadrën angleze i përfundon në vitin 2028.
Vlera e tij në treg, sipas faqes “Transfermarket”, është 20 milionë euro.
Lewandowski e dëshiron qëndrimin në Barcelonë
Sulmuesi Robert Lewandowski nuk është duke e menduar largimin nga skuadra e Barcelonës këtë verë, shkruan të hënën BBC.
Ylli polak ka edhe dy vjet në kontratën me Barçën dhe dëshiron që të respektojë atë.
Lewandowski te Barcelona u transferua në vitin 2022. Në vitin e parë në Spanjë i shënoi 33 gola, ndërsa këtë edicion ka realizuar 20 gola.
Te Barça erdhi nga Bayerni për 45 milionë euro.
Edhe
Fituesi i Botërorit vendos për Barcelonën
Për Lewandowskin interesim të vazhdueshëm kanë shprehur disa skuadra nga Arabia Saudite.
35-vjeçari është paraqitur në 148 ndeshje për përfaqësuesen e Polonisë. Ka kontribuar me 82 gola.
