Trajner i Rubin Kazanit, Frank Artiga, ka folur për gjendjen shëndetësore të sulmuesit kosovar, Dardan Shabanhaxhaj.
Shabanhaxhaj vazhdon të jetë në fazën e rikuperimit nga lëndimi dhe mbetet në dyshim për ndeshjen e radhës të Rubin Kazanit.
Artiga ka bërë të ditur se reprezentuesi i Kosovës ende nuk është në gjendje t’i bashkohet stërvitjeve me pjesën tjetër të ekipit.
Stafi mjekësor po punon intensivisht për rikuperimin e Shabanhaxhajt, por lojtari ende ka dhimbje dhe për këtë arsye nuk është ende gati të stërvitet me pjesën tjetër të grupit.
“Sa i përket Dardanit, stafi ynë mjekësor po punon intensivisht për rikuperimin e tij dhe po bën gjithçka që është e mundur. Vet Shabanhaxhaj thotë se ende ka dhimbje dhe nuk është i gatshëm t’i bashkohet pjesës tjetër të ekipit”, ka deklaruar Artiga për “BUSINESS Online”.
25-vjeçari Shabanhaxhaj ende nuk e ka luajtur asnjë ndeshje në edicionin 2026/27 në elitën ruse.