Selektori i Kosovës U21 në futboll, Afrim Tovërlani e ka publikuar listën e 22 futbollistëve për ndeshjet e këtij muaji që i takojnë kualifikimeve për Evropianin 2025.
Dardanët U21 më 11 tetor do të luajnë kundër Polonisë në stadiumin “Fadil Vokrri”, nga ora 19:00. Katër ditë më pas luajnë si mysafir në Tallin kundër Estonisë nga ora 17:00. Për herë të parë është ftuar sulmuesi i Prishtinës, Igball Jashari. Tovërlani ka ftuar edhe disa futbollistë nga Superliga e Kosovës.
Kosova është në pozitën e katërt në Grupin D me 12 pikë të fituara. Tabelës i prin Gjermania me 22 pikë.
Në grup me Kosovën është edhe Bullgaria.