Edon Zhegrova nuk u aktivizua për skuadrën e Juventusit që të shtunën e regjistroi fitoren e dytë rresht në të gjitha garat.
Juve e mposhti Cagliarin në shtëpi me rezultatin, 2:1, në kuadër të javës së 13-të të Serie A.
Sebastiano Esposito e kaloi në epërsi Cagliarin në minutën e 26-të.
Një minutë më pas, superylli turk, Kenan Yildiz, i barazoi shifrat.
Yildiz e shënoi edhe golin e fitores 2:1 në minutën e parë shtesë të pjesës së parë.
Sulmuesi i Kosovës, Zhegrova, nuk pati minuta as xhiron e kaluar në barazimin 1:1 të Juventusit ndaj Fiorentinas.
26-vjeçari Zhegrova këtë edicion ka luajtur vetëm 86 minuta. Nuk po kalon momente të mira me “Zonjën e Vjetër”.
Juve pas fitores e zë vendin e shtatë me 23 pikë. Cagliari është në mesin e tabelës me 11 pikë.