Lindon Selahi nuk ka mundur të ketë largim më të mirë nga Rijeka.
Mesfushori shqiptar, i cili u transferua te klubi i Kroacisë në vitin 2021 nga Twente si futbollist i lirë, do të largohet me dy trofe të fituar.
Selahi me Rijekën e fitoi kampionatin kroat javën e kaluar, ndërsa të enjten mbrëma e fitoi edhe Kupën e Kroacisë. Rijeka siguroi Kupën me fitoren 1:0 ndaj Slaven Belupos në finale.
Ai nuk arriti marrëveshje për vazhdimin e kontratës me klubin e njohur kroat.
Selahi pas triumfit në Kupë postoi fotografi me dy trofetë e fituar.
Tifozët kanë kërkuar qëndrimin e tij, por Selahi do të largohet pas 153 ndeshjeve të luajtura.
Selahi u vlerësua si njëri prej futbollistëve më të mirë në Kroaci.
Ai i pati nëntë gola e katër asistime në këtë edicion.
Në finalen e Kupës pati thirrje të shumta për të.
Ende nuk dihet se ku do të transferohet në verë, por ka raportime se Hajduku i Splitit ka shprehur interesim.
26-vjeçari karrierë ka bërë edhe te Standard Liege e Willem II. Për një kohë ishte edhe pjesë e të rinjve të Anderlechtit.
Ka disa paraqitje për Shqipërinë.
