Ricardo Rodriguez mund të bëjë paraqitjen e 150-të për Zvicrën. Rekordin me 152 ndeshje e mban kapiteni Granit Xhaka.
Rodriguez ka folur të dielën për rekordin që mban Xhaka te helvetikët.
“Nuk është problem. Jam i lumtur që të dy jemi atje lart. Kemi arritur shumë së bashku, për shembull, jemi bërë kampionë bote me U17. Nuk më intereson kush është i pari dhe kush i dyti”, ka thënë Rodriguez.
Xhaka i mungon Zvicrës për shkak të lëndimit. Por mbetet lojtari me më së shumti paraqitje.
Rodriguez luan për Zvicrën nga viti 2011.