Ish-portieri i Liverpoolit dhe Aston Villas, Pepe Reina, u përjashtua nga loja në ndeshjen e tij të fundit si futbollist aktiv, ka shkruar BBC të shtunën.
Skuadra e Reinas, Como, humbi 2:0 nga Interi në Serie A, në ndeshjen e fundit të kampionatit.
42-vjeçari Reina njoftoi se ndeshja e fundit e kampionatit do të jetë e fundit në karrierën e tij 25-vjeçare.
Ai fitoi trofe me Liverpoolin, Napolin dhe Bayern Munichun.
Ishte edhe pjesë e skuadrës së Spanjës që e fitoi Kupën e Botës në vitin 2010, dhe dy herë Kampionatet Evropiane.
Interi ishte duke udhëhequr 1:0, ndërsa Reinas iu tregua kartoni i kuq pas ndërhyrjes së palejuar jashtë zonës ndaj Mehdi Taremit.
Përjashtimi i tij u bë pasi u rishikua situata në VAR.
Reina ishte pjesë e Akademisë së Barcelonës, ndërsa u transferua më pas te Villarreali.
Nga Villarreali në vitin 2005 u transferua te Liverpooli, ku në nëntë sezone në “Anfield”, fitoi edhe Kupën FA, Kupën e Ligës dhe Superkupën e Evropës. Ishte në mes të shtyllave në finalen e Ligës së Kampionëve kur Liverpooli humbi nga Milani.
Me Napolin, Reina e fitoi Kupën e Italisë, ndërsa Bundesligën e fitoi me Bayern Munichun. Aston Villan e ndihmoi të shkonte në finale të Kupës së Ligës në vitin 2020.
Reina karrierë ka bërë edhe te Lazio në Itali.
