Sulmuesi i Manchester Unitedit, Marcus Rashford, ka refuzuar kalimin te një skuadër e njohur në Arabinë Saudite.
“Mundo Deportivo” ka shkruar të dielën se Rashfordit i është ofruar një pagë prej 40 milionë eurosh në sezon por ai ka refuzuar.
Reprezentuesi i Anglisë është në pritje të skuadrës së Barcelonës. 27-vjeçari Rashford ëndërron që një ditë ta vesh fanellën e gjigantit katalunas. Ai është i gatshëm që të ketë pagë dukshëm më të vogël te Barça në krahasim me pagën që e merr aktualisht tek Unitedi.
Rashford, që nuk ishte në planet e trajnerit të Unitedit, Ruben Amorim, luajti huazim te Aston Villa edicionin e kaluar. Anglezi Rashford e ka informuar Unitedin që dëshiron të largohet në afatin kalimtar të kësaj vere.
Barça fillimisht dëshiron që ta huazojë për një vit Rashfordin. Bisedimet janë duke u zhvilluar mes drejtuesve të Barçës dhe të Unitedit.
Rashfordi me Unitedin ka kontratë deri në vitin 2028.
