-
Nga:
Dilaver Polisi
- 3 tetor 2025 12:13
- Shpërndaje në:
Përzgjedhësi i Kosovës, Franco Foda, e ka publikuar të premten listën e futbollistëve të ftuar për dy ndeshjet e ardhshme kualifikuese të Botërorit 2026.
Janë kthyer lojtarë të rëndësishëm, por ka edhe emra të rinj e mungesa.
Më 10 tetor, Kosova përballet me Slloveninë në “Fadil Vokrri”, ndërsa më 13 tetor luan me Suedinë në Goteborg.
Ndeshjet i takojnë Grupit B.
Te Kosova janë kthyer Edon Zhegrova dhe Milot Rashica. Zhegrova mungoi muajin e kaluar pasi nuk ishte plotësisht i gatshëm për lojë pas transferimit te Juventusi, ndërsa Rashica ishte i lënduar.
Kapiteni Amir Rrahmani u lëndua në duelin ndaj Zvicrës dhe mungoi ndaj Suedisë. Ai nuk është përfshirë as për ndeshjet e radhës, që vlerësohen vendimtare për Kosovën në rrugëtimin drejt Botërorit 2026. Mungojnë edhe Leart Paqarada e Baton Zabërgja, që janë të lënduar e po ashtu Emir Sahiti e Florent Hadërgjonaj.
Foda i beson grupit të lojtarëve që siguroi plejofin
Risi në listën e Fodas, ashtu si pritej, është Albian Hajdari. Mbrojtësi i Hoffenheimit la Zvicrën për Kosovën.
Në listë janë përfshirë edhe mbrojtësit Kreshnik Hajrizi dhe Leard Sadriu.
Është ftuar edhe Lindon Emërllahu, i cili nuk do të ketë të drejtë loje ndaj Sllovenisë, për shkak se në ndeshjen e fundit u përjashtua me të kuq.
Nuk janë ftuar Arbër Zeneli e Bersant Celina, me të cilët kryetari i FFK-së, Agim Ademi, u takua kohë më parë. Celina është në listën rezervë.
Grumbullimi zyrtar i 27 futbollistëve të ftuar nga Foda është të hënën. Stërvitja e parë zhvillohet nga ora 17:00 në Kampin Nacional të FFK-së në Hajvali.
Edhe
Foda shpall listën, Kosova me mungesa të rëndësishme
Pas dy xhirove, grupit kualifikues i prin Zvicra me gjashtë pikë.
Tre pikë i ka Kosova në pozitën e dytë, ndërsa Suedia dhe Sllovenia kanë nga një pikë në vendin e tretë dhe të katërt.
Kosova e nisi ciklin kualifikues me humbjen 4:0 nga Zvicra në Basel. Më pas fitoi 2:0 fitoi ndaj Suedisë në Prishtinë.
Lista e Kosovës për ndeshjet ndaj Sllovenisë e Suedisë
Portierë: Arijanet Muriq, Amir Shaipi, Visar Bekaj
Mbrojtës: Mërgim Vojvoda, Florian Haxha, Lumbardh Dellova, Ilir Krasniqi, Kreshnik Hajrizi, Fidan Aliti, Albian Hajdari, Ron Raçi, Dion Gallapeni, Leard Sadriu
Mesfushorë/sulmues: Ermal Krasniqi, Muharrem Jashari, Milot Rashica, Valon Berisha, Leon Avdullahu, Veldin Hoxha, Elvis Rexhbeçaj, Lindon Emërllahu, Meriton Korenica, Edon Zhegrova, Florent Muslija, Vedat Muriqi, Fisnik Asllani, Albion Rrahmani
Lista më e rëndësishme e Kosovës publikohet më 20 mars
Lista rezervë
Faton Maloku, Kreshnik Krasniqi, Behar Neziri, Ismet Lushaku, Bledian Krasniqi, Andi Hoti, Rilind Nivokazi, Bersant Celina, Donat Rrudhani
