Futbollisti i Benficas, Gianluca Prestianni, është dënuar me gjashtë ndeshje nga UEFA për sjellje homofobike.
Ai është dënuar për sjelljet në ndeshjen ndaj Real Madridit, në plejofin e fazës nokaut të Ligës së Kampionëve në muajin shkurt.
Ndeshja në “Estadio da Luz” në Lisbonë ishte ndërprerë për 10 minuta, pasi Vinicius Juniori i Real Madridit, e kishte akuzuar Prestiannin për fyerje raciste.
20-vjeçari e kishte mohuar se ka bërë komente raciste dhe ka thënë se Viniciusi nuk e kishte dëgjuar mirë atë.
Mesfushori i Real Madridit, Aurelien Tchouameni, kishte thënë se Prestianni i ka thënë atij se i është drejtuar brazilianit me komente homofobike.
