Njëri prej lojtarëve më të mirë në historinë e futbollit të sallës, Ricardinho, është pensionuar në moshën 39-vjeçare.
Ai ka fituar gjithçka në futsall, ndërsa së fundmi ishte pjesë e skuadrës Inter Movistar.
“I magjishmi”, siç njihej ndryshe portugezi, e konfirmoi pensionimin të premten në konferencën për shtyp, pas 20 vjetësh karrierë.
“Sot është dita e fundit në karrierën si profesionist. Është vendimi më i vështirë në jetë si sportist”, ka thënë ndër të tjera Ricardinho.