Pasi Zvonimir Boban u bë drejtor sportiv te klubi i madh kroat, Dinamo Zagreb, pati shumë ndryshime në skuadër.
Te Dinamo u realizuan 40 transferime dhe disa prej yjeve të klubit u larguan.
Njëri prej tyre ishte Arijan Ademi, që luajti për kohë të gjatë te skuadra më e suksesshme kroate dhe ishte kapiten për kohë të gjatë.
Futbollisti shqiptar nga Maqedonia e Veriut u transferua tek Ujpesti hungarez si futbollist i lirë, por forma e 34-vjeçarit ka pësuar rënie të dukshme.
Ademi ishte titullar në katër ndeshjet e para, ndërsa Ujpesti i fitoi vetëm katër pikë në ato ndeshje. Ai mori katër kartonë të verdhë në pesë ndeshje, më shumë se në dy edicionet e kaluara në kampionatin kroat.
Pas suspendimit shkaku i kartonëve, për Ademin pati telashe me minutazhë dhe me lëndime, që zgjatën deri në fund të pjesës së parë të kampionatit.
Edhe
Ademi po stërvitet me Dinamon, për zgjidhje për të ardhmen
Në pesë ndeshjet e fundit, dy herë nuk ishte i përfshirë në skuadër, një ndeshje ishte në bankën rezervë, ndërsa dy ndeshje tjera luajti në 20-30 minutat e fundit.
Në total, ai ka 12 paraqitje në kampionatin hungarez dhe një në kupë. Nuk ka shënuar asnjë gol, ndërsa e ka regjistruar vetëm një asistim.
Me Dinamon, Ademi ka fituar 12 tituj, gjashtë Kupa të Kroacisë dhe katër Superkupa kroate.
