Rilind Nivokazi ndihet krenar që do të luajë për Kosovën. Ai shpreson të ftohet edhe në të ardhmen.
“Krenari shumë e madhe për mua, për familjen time. Ekipi më ka pritur shumë mirë dhe stafi në krye me trajnerin Franco Foda. Jam shumë i kënaqur dhe uroj të ftohem edhe herë tjera.
Nivokazi është njëri pre lojtarëve të ftuar për herë të parë te Kosova.
“Dardanët” të dielën e luajnë miqësoren e parë ndaj Çekisë në Pragë, kurse më 7 qershor në Prishtinë kundër Andorrës.
“Trajneri na ka thënë se duhet ta japim maksimumin, sepse këto miqësore na duhen për t’u përgatitur sa më mirë për ndeshjet e ardhshme. Kur luan për kombëtare do të thotë se duhet gjithmonë të japësh maksimumin për këtë fanellë”, ka theksuar sulmuesi 26-vjeçar i Sionit të Zvicrës.
Më herët, Nivokazi a luajtur për të rinjtë e Italisë e më pas për Kosovën U21.
