Portieri i Kosovës, Arijanet Muriq, ka pranuar gol në fund të ndeshjes që skuadra e tij, Sassuolo e humbi nga Genoa me rezultatin 2:1 të hënën.
Ndeshja Sassuolo – Genoa i takoi xhiros së dhjetë të Serie A.
Portieri shtatlartë golin e parë e pësoi në minutën e 18-të, ndërsa të dytin në minutën e 93-të, që vendosi rezultatin përfundimtar, 2:1.
Domenico Berardi e shënoi golin e vetëm për Sassuolon.
Për 26-vjeçarin Muriq ishte ndeshja e nëntë e zhvilluar këtë edicion në elitën e futbollit italian.
Sassuolo ka 13 pikë dhe e zë vendin e 11-të.
Për Genoan ishte fitorja e parë këtë edicion, pas tri barazimeve dhe gjashtë humbjeve. Ka gjashtë pikë në pozitën e 18-të.