Luka Modriq e kompletoi ndeshjen të cilën Milani e fitoi 2:0 ndaj Lecces, të premten mbrëma. Ndeshja i takoi xhiros së dytë të Serie A, ndërsa ylli kroat e regjistroi asistimin e parë në Itali.
“Po ndihem shumë mirë, çdo gjë është e përkryer. Po ndihem mirë me bashkëlojtarët dhe jam i relaksuar. Më ka mbetur të gjejë shtëpi, por pos kësaj, çdo gjë është mirë. Natyrisht edhe më mirë ndihesh kur fiton”, ka thënë Modriqi pas ndeshjes.
Ai pret që të jetë në formë edhe më të mirë fizike pas kthimit nga përfaqësuesja kroate. Ka treguar se trajneri Massimiliano Allegri i ka kërkuar që të flas në fushën e lojës dhe të këshillojë.
“Gjithnjë e kam përcjellë futbollin italian. Shumë kroatë kanë luajtur në Itali dhe më shumë se të tjerët e kam çmuar Milanin. Kam luajtur shpesh kundër ekipeve italiane dhe e di se sa mirë janë të organizuara. Ende po përshtatem, është ligë e vështirë. Duhet të jeni të kujdesshëm në secilën ndeshje dhe të jepni çdo gjë për fitore. Por deri më tani po e shijoj të gjithën”, ka thënë legjenda kroate.