Superylli argjentinas, Lionel Messi, e ka fituar të premten çmimin e lojtarit më të vlefshëm në ligën MLS të futbollit në Shtetet e Bashkuara të Amerikës.
Ish-sulmuesi i Barcelonës dhe Paris Saint-Germainit e ndihmoi Inter Miamin të bëhet skuadra më e suksesshme amerikane e stinorit të rregullt.
Por më pas, Messi dhe Inter Miami u eliminuan në raundin e parë të plejofit në muajin nëntor.
37-vjeçari pati kontribut në 36 gola të shënuar, me 20 shënime e 16 asistime.
Messi shkaku i lëndimeve në stinorin e rregullt luajti në vetëm 19 ndeshje, dhe në dy të tjera në plejof.
Edhe
Messi, lojtari më i vlefshëm në MLS
Çmimi “MVP” zgjidhet nga lojtarët, stafet teknike të klubeve dhe gazetarët.
Messi mori 38.43 për qind të votave, dhe e fitoi garën me Cucho Hernandezin e Colombus Crew, që mblodhi 33.7 për qind të votave.
