Skuadra e Lecces është duke i zhvilluar stërvitjet në Bressanone të Italisë.
Lecce ka filluar përgatitjet për edicionin e ardhshëm në Serie A.
Në edicionin e kaluar, Lecce vetëm në xhiron e fundit e siguroi mbijetesën.
Pjesë të Lecces janë dy mesfushorët e Kombëtares së Shqipërisë, Medon Berisha dhe Ylber Ramadani.
Berisha të martën në një intervistë për “Sky Sport”, ka treguar se si po shkojnë stërvitjet.
“Po ndërtojmë një ekip të shkëlqyer. Kemi punuar jashtëzakonisht shumë me trajnerin Di Francesco, që nga fillimi. Seancat e dyfishta stërvitore nuk ndalen kurrë. Ai është një trajner që kërkon shumë dhe cilësi, dhe unë po mësoj shumë prej tij, madje edhe për sa i përket lëvizjes”, ka thënë Berisha.
21-vjeçari gjatë edicionit 2024/25 në Serie A u paraqit në 17 ndeshje dhe bëri një asistim. Ai pjesë e skuadrës së parë të Lecces është nga viti 2022. Kontrata i përfundon në vitin 2028.