Kylian Mbappe e ka shpëtuar Real Madridin nga humbja me gol të minutës së 100-të.
Fal golit të yllit francez, Reali, e mposhti Rayo Vallecanon në shtëpi me rezultatin 2:1. Kjo ndeshje i takoi xhiros së 22-të të La Ligas.
Klubi mbretëror u kthye te fitorja pas disfatës dramatike që e pësoi të mërkurën nga Benfica në Ligën e Kampionëve.
Vinicius Junior realizoi gol të bukur në minutën e 15-të për epërsinë e “Los Blancos”.
Vallecano e barazoi rezultatin në 1:1 me golin që e shënoi Jorge de Frutos në minutën e 49-të.
Mbappe u tregua i saktë nga penalltia në sekondat e fundit për fitoren e rëndësishme të “Los Blancos”.
Vallecanos iu përjashtuan dy futbollistë nga loja. Fillimisht mesfushori senegalez, Pathe Ciss, për shkak të një ndërhyrjeje të ashpër u ndëshkua direkt me karton të kuq në minutën e 80-të, kurse Pep Chavarria u përjashtua pas kartonit të dytë të verdhë.
Ndërkohë te Vallecano në bankën e rezervistëve ishte Ivan Balliu.
Reali me këtë fitore të vonshme e mban hapin për titull kampioni. Ka 54 pikë në vendin e dytë. Një pikë më shumë ka Barcelona.
Vallecano është poshtë në tabelë me 22 pikë.