Kryendeshja e futbollit francez në fundjavë është ndërmjet Marseilles dhe Lensit.
Derbi Marseille – Lens zhvillohet të shtunën nga ora 21:05 dhe i takon xhiros së 19-të të Ligue 1.
Lensi është skuadra që ka befasuar më së shumti këtë edicion. Është lartë në tabelë me 14 fitore, një barazim dhe tri humbje.
Edhe Marseille është në pjesën e epërme të tabelës. I ka 11 fitore, dy barazime dhe pesë humbje. Dy skuadrat po luftojnë për titullin e kampionit së bashku me kampionin në fuqi, Paris Saint-Germainin.
Skuadra e Marseilles të mërkurën u mposht në shtëpi nga Liverpooli në Champions, 3:0.
Lensi ka tri fitore në pesë ndeshjet e fundit në kampionat ndaj Marseillet.
Me ndeshjen Lille – Strasbourg që luhet të dielën nga ora 20:45 përfundon edhe xhiroja e 19-të. Lensi ka 31 pikë në pozitën e pestë. Strasbourgu ka pesë pikë më pak në vendin e shtatë.