Përcaktohen finalistët e Kupës

Mes tensionesh Ferizaj siguron kalimin në finale

Ndeshjen kthyese e gjysmëfinales së Kupës së Kosovës në futboll e zhvilluar të mërkurën në Ferizaj, ndërmjet Ferizajt dhe Llapit, nuk dha gola e as fitues. 

Por kalimin në finale të Kupës e siguroi Ferizaj pas fitores 2:1 në Podujevë dy javë më parë.

Ndeshja ishte e tensionuar në fushë, ndërsa pati edhe ndërprerje. Ndeshja u ndërpre në minutën e 55-të pas hedhjes së gjësendeve në fushë. 

Ka pasur gjuajtje të gjësendeve në fushë nga shikuesit në Ferizaj. Nga gjuajtjet e shikuesve është goditur, mbrojtësi i Llapit, Ilir Blakçori. 

Ndeshja rifilloi vetëm pas largimit të tërësishëm të shikuesve nga tribunat. Megjithatë, rreth një shikues të pranishëm e përcollën ndeshjen jashtë rrethojave të stadiumit të qytetit të Ferizajt. 

Pati edhe duele të forta ndërmjet lojtarëve të të dyja ekipeve. 

Ferizaj u drejtua nga Arsim Abazi i rikthyer pas shkarkimit të Nevil Dedes për mungesë të rezultateve.
Për Ferizajt është finalja e tretë. Në dy edicione rresht kishte humbur në finale. Humbi nga Trepça ’89 në edicionin 2011/2012, kurse në 2012/2013 nga Prishtina.

Llapi e ka fituar dy herë Kupën e Kosovës, në edicionet 2020/2021 dhe 2021/2022.

Ferizaj e Llapi janë në betejë direkte edhe për mbetje në Superligë. I kanë nga 33 pikë në pozitat tetë e nëntë. Pozita e tetë dërgon në plejaut, kurse e nënta në kategorinë e dytë.

Dukagjini eliminon Ballkanin, siguron finalen e katërt të Kupës

Dukagjini i Klinës e ka arritur finalen e katërt të Kupës së Kosovës pasi në gjysmëfinale e eliminoi Ballkanin e Suharekës. 

Dukagjini të mërkurën në stadiumin “18 Qershori” në Klinë fitoi me rezultatin 3:2, dhe e eliminoi Ballkanin me rezultatin e përgjithshëm, 6:2. 

Ndeshjen e parë në stadiumin e qytetit në Suharekë, Dukagjini e fitoi 3:0. 

Ndeshja e zhvilluar në Klinë dhuroi shumë gola e lojë të hapur. 

Vendësit kaluan në epërsi të parët me kapitenin Elton Basriu, që shënoi në minutën e 23-të. Një minutë para golit të Dukagjinit, Ballkanit iu anulua goli i Almir Kryeziut për pozitë jashtë loje. 

Ballkanit iu vështirësuan punët pas përjashtimit të Albert Dienes. Mesfushori i suharekasve u largua direkt me të kuq nga loja nga gjyqtari Lirim Jashari. Arbitri kryesor i ndeshjes pa shkelje të Dienes në këmbën e Erlis Xhemajlit pas rishikimit të situatës në VAR. Ia hoqi kartonin e verdhë dhe e përjasthoi nga loja direkt me të kuq. 

Pavarësisht se me një lojtar më pak në fushë, Ballkani i barazoi shifrat në minutën e 36-të me sulmuesin Bleart Tolaj. 

Tolaj e shënoi edhe një tjetër gol në minutën e 50-të për 2:1 në të mirë të Ballkanit. 

Por vendësit, të udhëhequr nga trajneri Arsim Thaqi, nuk u dorëzuan dhe shënuan me Mërgim Pefqelin në minutën e 64-t për 2:2. 

Dukagjini e shënoi edhe një tjetër gol për fitore. Dienit Isufi kaloi një futbollist nga krahu i majtë, dhe gjuajti fuqishëm, katër minuta para fundit për 3:2. 

Engjëll Ajazaj shënoi për Ballkanin në minutën e 87-të. Por, edhe goli i tij nuk u pranua pasi gjatë ndërtimit të aksionit, pati pozitë jashtë loje. Kjo u konfirmua nga VAR-i. 

Dukagjini i ka humbur tri finalet e kaluara. Nga Prishtina u mposht në edicionin 1994/95, ndërsa nga Flamurtari humbi në edicionin 1995/96. 

Finalen e fundit e luajti ndaj Llapit në edicionin 2020/21. Por ishte mposhtur edhe në atë ballafaqim. 

Ndërkohë, Ballkani e ka një finale të humbur në Kupën e Kosovës dhe një trofe të fituar. Nga Prishtina ishte mposhtur në finale të edicionit 2019/20, ndërsa po ndaj “bardhekaltërve” kishte triumfuar në edicionin 2023/24.

Dukagjini përmbys rezultatin

Dukagjini e ka përmbysur rezultatin ndaj Ballkanit dhe është duke fituar 3:2. 

Dienit Isufi ishte realizator i supergolit të realizuar në minutën e 86-të.

Rifillon ndeshja që u ndërpre në minutën e 55-të

Më shumë se dhjetë minuta ka zgjatur ndërprerja e ndeshjes kthyese e gjysmëfinales së Kupës së Kosovës në futboll ndërmjet Ferizajt dhe Llapit.

Ndeshja u ndërpre në minutën e 55-të pas hedhjes së gjësendeve në fushë. 

Ka pasur gjuajtje të gjësendeve në fushë nga shikuesit në Ferizaj. Nga gjuajtjet e shikuesve është goditur, mbrojtësi i Llapit, Ilir Blakqori.

Rezultati aktual është baras, 0:0.

Ndeshja rifilloi vetëm pas largimit të tërësishëm të shikuesve nga stadiumi ku po luhet ndeshja kthyese e gjysmëfinales së Kupës në futboll.

Dukagjini nuk lejon befasi, barazon rezultatin

Mesfushori Mërgim Pefqeli e ka shënuar golin e dytë për Dukagjinin, që e barazoi rezultatin në 2:2 ndaj Ballkanit. 

Pefqeli shënoi nga afërsia me kokë për 2:2, në minutën e 64-t. Mbrojtësi Albion Pllana harkoi bukur në zonë për të.

Zbrazet stadiumi pas kërkesës së gjyqtarit

Ka nisur largimi i shikuesve nga tribunat e stadiumit të qytetit të Ferizajt.

Ndeshja u ndërpre pas hedhjes së gjësendeve në fushë në ndeshjen Ferizaj – Llapi.

Ka pasur gjuajtje të gjësendeve në fushë nga shikuesit në Ferizaj. Nga gjuajtjet e shikuesve është goditur, mbrojtësi i Llapit, Ilir Blakqori.

Ndeshja pritet të rifilloj pas largimit të tërësishëm të shikuesve nga stadiumi ku po luhet ndeshja kthyese e gjysmëfinales së Kupës në futobll.

Ndërpritet ndeshja në Ferizaj

Është ndërprerë ndeshja kthyese e gjysmëfinales së Kupës së Kosovës në futboll ndërmjet Ferizajt dhe Llapi.

Ka pasur gjuajtje të gjësendeve në fushë nga shikuesit në Ferizaj. Nga gjuajtjet e shikuesve është goditur, Ilir Blakqori.

Ballkani në epërsi, shënon Blerat Tolaj

Ballkani ka kaluar në epërsi ndaj Dukagjinit të Klinës.

Golin për epërsinë 2:1 e shënoi Blerat Tolaj në minutën e 50-të.

Baras në Klinë pas pjesës së parë

Dukagjini i Klinës dhe Ballkani i Suharekës kanë luajtur baras pas pjesës së parë, në ndeshjen kthyese të gjysmëfinales së Kupës së Kosovës. 

Pjesa e parë u mbyll 1:1. 

Për Dukagjinin shënoi Elton Basriu në minutën e 23-të, ndërsa Ballkani i barazoi shifrat në minutën e 36-të. 

Ballkani nga minuta e 28-të luajti pa mesfushorin Albert Diene, që u përjashtua me të kuq. 

Ballkanit para se ta pranonte golin, iu anulua një gol i Almir Kryeziut, për pozitë jashtë loje. 

Ndeshja e parë e gjysmëfinales në Suharekë u mbyll 3:0 në të mirë të Dukagjinit, skuadrës që udhëhiqet nga trajneri Arsim Thaqi.

Pa gola pas pjesës së parë në Ferizaj

Pjesa e parë e ndeshjes tjetër gjysmëfinale të Kupës së Kosovës në futboll mes Ferizajt dhe Llapit, u mbyll 0:0. 

Ferizaj ndeshjen e parë në “Zahir Pajaziti” në Podujevë, e fitoi 2:1. 

Raste pati në 45 minutat e para të ndeshjes nga të dyja ekipet, por jo edhe gola.

Tjetër gol në Klinë

Tjetër gol është shënuar në Klinë.

Ballkani e barazoi rezultatin në 1:1, në minutën e 36-të.

Pas një kundërsulmi të shpejtë shënoi Bleart Tolaj.

Ballkani me një futbollist më pak në fushë

Ballkani ka mbetur me një futbollist më pak në fushë në ndeshjen ndaj Dukagjinit. Mesfushori Albert Diene u përjashtua nga loja nga gjyqtari Lirim Jashari, pasi e rishikoi situatën në VAR.

Për shkak se Diene e shkeli mesfushorin, gjyqtari Jashari i dha fillimisht kartonin e verdhë. Më pas e rishikoi edhe një herë situatën në VAR. E anuloi kartonin e verdhë dhe ia tregoi direkt të kuqin dhe e përjashtoi atë nga loja në minutën e 28-të.

Ballkani pothuajse është eliminuar nga Kupa. Dukagjini po udhëheq 1:0 në ndeshjen e kthimit në Klinë, derisa fitoi 3:0 në Suharekë. Është pranë kalimit në finale të Kupës.

Dukagjini i afrohet edhe më shumë finales

Dukagjini i Klinës ka shënuar gol ndaj Ballkanit dhe i është afruar edhe më shumë finales së Kupës së Kosovës në futboll.

Skuadra klinase e dënoi atë suharekase në minutën e 23-të, në ndeshjen kthyese të gjysmëfinales së Kupës së Kosovës. Për 1:0 shënoi Elton Basriu, kapiteni i skuadrës së Dukagjinit. Ai realizoi nga afërsia.

Dukagjini ndeshjen e parë në Suharekë e fitoi 3:0.

Me këtë gol, rezultati i përgjithshëm është 4:0.

Një minutë para se të shënohej goli i Basriut, Ballkanit iu anulua gol për pozitë jashtë loje. Goli i Almir Kryeziut u anulua pas rishikimit të situatës në VAR.