Kampionia e Kosovës në futboll ka shënuar fitore historike të enjten mbrëma.
Pas dy barazimeve në fazën e ligës në Ligën e Konferencës kundër KuPS-it dhe Omonias, Drita shënoi fitore të madhe kundër Shelbournet në Dublin të Irlandës.
Golin e fitore 1:0 e shëoi sulmuesi i krahut, Almir Ajzeraj. Ai realizoi golin e fitores në minutën e 57-të.
Gjuajtja e Ajzerajt përfunoi në rrjetë me ndihmën e një devijimi të mbrojtësit, Lewis Temple.
Drita pati edhe disa raste tjera shënimi. Në minutën e 45-të kapiteni Rron Broja qëlloi traversën. Ai gjuajti me kokë, por topi përfundoi në traversë e më pas jashtë portës së Shelbournet, që luajti me një lojtar më pak në fushë nga minuta e 17-të pas përjashtimit të James Norrisit. Futbollisti i ekipit irlandez u përjashtua me karton të kuq pas ndërhyrjes ndaj Almir Ajzerajt.
Tre minuta para se përjashtohej Norris, Shelbourne, qëlloi shtyllën. Harrye Wood e qëlloi shtyllën në tentim për të harkuar nga rivënia e këndit. Krahas shtyllës së qëlluar, Shelbourne pati rastet e saj për gol, por pa arritur t’i konkretizojë.
Me fitore, Drita është ngritur në vendin e 13-të me pesë pikë.
Drita ka fituar edhe në aspektin financiar pas fitores ndaj Shelbournet. Në xhirollogarinë e saj do t’i ketë 400 mijë euro, aq sa vlerësohet fitorja në Ligën e Konferencës. Në total pas dy barazimeve dhe fitores, Drita ka fituar 666 mijë euro nga UEFA.
Me paraqitjen në Ligën e Konferencës, Drita i kishte të garantuara 3 milionë e 170 mijë euro nga UEFA.
Ndeshjen e katërt, Drita e luan në Prishtinë më 27 nëntor kundër Shkëndijës së Tetovës.
Ramadani: Deri më tani është fitorja e një rangu më të lartë
Trajneri i Dritës, Zekirija Ramadani, e ka cilësuar të rëndësishme fitoren ndaj Shelbournet në Ligën e Konferencës.
“Ua uroj fitoren, ishte ndeshje e mirë me shumë vrap dhe angazhim. Unë mendoj se edhe epërsia numerike në fushë na lehtësoi punën, por jam i kënaqur me fitoren. E dinim se kundërshtari ka një sulm të shpejtë, u mbrojtëm mirë dhe erdhi momenti i ndëshkuam. Jam i lumtur me këtë fitore dhe duhet të vazhdojmë përpara”, ka thënë Ramadani në konferencën për media pas ndeshjes.
Ai ka theksuar se fitorja ndaj ekipi irlandez ka rëndësinë e vet. Por ka shtuar se, Drita ka shënuar fitore me peshë të madhe në të kaluarën.
“Deri më tani është fitorja e një rangu më të lartë, por më e rëndësishme nuk mund të them sepse kemi arritur fitore që ka pasur vlerën e titullit. Secila fitore ka vlerën e vet dhe e respektoj çdo fitore apo barazim. Normalisht çdo humbje dimë ta menaxhojmë dhe ta respektojmë”, është shprehur trajneri shkupjan.
Për Dritën ishte fitorja e parë në Evropë, përkatësisht në Ligën e Konferencës. Ka edhe dy barazime këtë edicion në fazën e ligës në Ligën e Konferencës.
Sa ka fituar financiarisht Drita me rezultatet e deritashme në Evropë?
Fitorja historike ndaj Shelbournet në Ligën e Konferencës të enjten e ka pasuruar Dritën me 400 mijë euro.
E në tri ndeshjet e deritashme, me këtë fitore dhe dy barazime ndaj Omonias dhe KuPS-it, Drita ka arkëtuar plot 666 mijë euro. Një barazim kalkulohet me 133 mijë euro, e fitorja me 400 mijë.
Me paraqitjen në fazën e ligës në Ligën e Konferencës, Drita veçse i kishte të garantuara 3 milionë e 170 mijë euro nga UEFA. Kjo e çon fitimin e përgjithshëm në këtë fazë për “Intelektualët” në mbi 3.8 milionë euro.
Drita i ka të parapara edhe të paktën tri ndeshje të tjera në këtë fazë. Ajo do ta presë Shkëndijën dhe Alkmarin, ndërsa i shkon edhe Rayo Vallecanos.
Nga tri ndeshje, Drita ka grumbulluar pesë pikë dhe është në pozitën e 13-të që aktualisht çon në fazën e plejofit në këtë garë.
Drita kalon në epërsi
Drita ka kaluar në epërsi ndaj Shelbournet.
Golin e epërsisë e shënoi Almir Ajzeraj në minutën e 57-të.
Në fakt, gjuajtja e tij u devijua nga mbrojtësi që hyri në pjesën e dytë, Lewis Temple.
Mbyllet pa gola pjesa e parë e ndeshjes Shelbourne – Drita
Foto: Daniel McDonnell/X
Nuk është shënuar asnjë gol në pjesë ne parë të ndeshjes ndërmjet Shelbourne dhe Dritës, në kuadër të Ligës së Konferencës.
Kampionia e Kosovës qëlloi traversën në minutën e 45-të nëpërmjet kapitenit Rron Broja. Ai gjuajti me kokë, por topi përfundoi në traversë e më pas jashtë portës së Shelbournet, që luajti me një lojtar më pak në fushë nga minuta e 17-të pas përjashtimit të James Norrisit. Futbollisti i ekipit irlandez u përjashtua me karton të kuq pas ndërhyrjes ndaj Almir Ajzerajt.
Tre minuta para se përjashtohej Norris, Shelbourne, qëlloi shtyllën. Harrye Wood e qëlloi shtyllën në tentim për të harkuar nga rivënia e këndit.
Wood pati edhe një rast shënimi në minutën e 36-të. Por gjuajtja e tij nga goditja e dënimit përfundoi mbi portën e Dritës. Jashtë portës së portierit të Dritës, Faton Maloku, përfundoi edhe gjuajtja e gjuajtja e Ademipo Odubeko, në minutën e 34-t.
Shpëton Drita
Skuadra irlandeze, Shelbourne, krijoi rast të mirë shënimi në minutën e 34-t.
Por gjuajtja e Ademipo Odubeko, shkroi pran portës së portierit të Dritës, Faton Maloku.
Shelbourne mbetet me një lojtar më pak në fushë
Foto: Daniel McDonnell/X
Skuadra irlandeze, Shelbourne, ka mbetur me një lojtar më pak në fushë.
Në minutën e 17-të, James Norris u ndëshkua me karton të kuq pas ndërhyrjes ndaj Almir Ajzerajt të Dritës.
Tre minuta më më herët, Shelbourne, qëlloi shtyllën. Harrye Wood nga rivënia e këndit qëlloi shtyllën në tentim për të harkuar.
Publikohet formacioni i Dritës ndaj Shelbournet, ka befasi
Drita do të luajë në udhëtim te Shelbourne në ndeshjen e xhiros së tretë të fazës së ligës, në Ligën e Konferencës.
Pas dy ndeshjeve, Drita i ka dy pikë, një më shumë se skuadra irlandeze.
Për shkak të shumë mungesave në fazën e sulmit, Albert Dabiqaj do t’i prijë sulmit të gjilanasve. Ai do të përkrahet nga Raddy Ovouka dhe Almir Ajzeraj.
Formacioni i Dritës:
Maloku, Sheji, Pëllumbi, Bejtullai, Krasniqi, Broja, Limaj, Zidane, Ovouka, Ajzeraj, Dabiqaj.
Ndeshja nis nga ora 21:00.