Leipzigu i Bundesligës gjermane është në bisedime me Brightonin e Premier Leagues angleze për Brajan Grudën. Futbollisti i U21 të Gjermanisë e kaloi pjesën e dytë të kampionatit të kaluar si i huazuar te Leipzigu.
“Sky” në Gjermani ka raportuar të mërkurën se Leipzigu është duke eksploruar idenë e huazimit të radhës, tani për gjithë edicionin, me opsionin e blerjes përfundimtare të Grudës. Tjetër tentativë e Leipzigut është huazimi me detyrim blerjeje. Gruda në edicionin e kaluar me Brightonin dhe Leipzigun i pati 34 ndeshje të luajtura. I shënoi gjashtë gola dhe pati gjashtë asistime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo