Ish-trajneri i Chelseat, Frank Lampard, është kthyer në kategorinë e dytë të futbollit anglez, pasi të enjten është zyrtarizuar si trajner i ri i Coventry Cityt.
46-vjeçari ka nënshkruar kontratë për dy vjet e gjysmë me klubin anglez.
Lampardi është i papunë që prej qershorit të vitit të kaluar, kur ishte trajner i përkohshëm i Chelseat.
Më herët ai e ka drejtuar edhe Evertonin në Premier League.
Ka përvojë në “Championshipin” e Anglisë, pasi më parë e ka drejtuar Derbyn, kur edhe nisi me profesionin e trajnerit.
Lampardi vlerësohet si njëri prej lojtarëve më të mirë të skuadrës së Chelseat.