Sulmuesi kosovar Meriton Korenica është kthyer me asistim te Cluji rumun. Të shtunën, Cluji pësoi disfatë në shtëpi nga UTA Aradi me rezultatin 3:1. Ndeshja i takoi xhiros së 11-të të elitës së futbollit rumun.
Korenica asistoi te goli i vetëm i Clujit që e shënoi Panagiotis Tachtsidis në minutën e 48-të. 27-vjeçari, Korenica luajti për 83 minuta.
Ai mungoi në ndeshjen e kaluar për shkak se i vdiq babai.
Bashkëlojtarët te Cluji i dërguan mesazh përkrahjeje Korenicës, duke veshur para ndeshjes fanella kushtuar atij.
Për Korenicën ky ishte asistimi i parë këtë edicion. Ka realizuar tri gola.
