Meriton Korenica ka shënuar gol për Clujin që të enjten mbrëma u kualifikua për në rrethin e tretë kualifikues të Ligës së Konferencës.
Cluji në ndeshjen e kthimit e mposhti skuadrën Alashkert me rezultatin 3:0.
Sulmuesi i Kosovës, Korenica, shënoi për 2:0 në minutën e 45-të.
Ai luajti deri në minutën e 71-të.
Ndeshja e parë mes dy skuadrave kishte përfunduar 1:1.
Cluji me rezultat të përgjithshëm 4:1 avancoi në raundin e tretë të “UEFA Conference League”.
