Tekniku holandez, 49-vjeçari Patrick Kluivert, nuk është më selektor i Përfaqësueses së Indonezisë.
Legjenda e futbollit holandez dhe Federata e Futbollit e Indonezisë, kanë ndarë rrugët pasi nuk u arrit objektivi, kualifikimi në Kupën e Botës 2026.
Kluivert, i cili pati 79 paraqitje me Holandën, e mori drejtimin e Indonezisë në muajin janar dhe nënshkroi kontratë dyvjeçare.
Megjithatë, pas disfatave nga Arabia Saudite dhe Iraku, gjasat e Indonezisë për kualifikim në Botërorin në Kanada, Meksikë dhe SHBA, u shuan.