Kapiteni i Malishevës, Dren Kryeziu, e ka vlerësuar fitoren ndaj Hibernianit “më të madhen” në karrierë deri më tani.
“Kemi fituar përvojën e duhur, pasi është viti i tretë që paraqitemi në Evropë dhe jemi pjekur më shumë si ekip. Shihet që po luajmë më mirë nga ndeshja në ndeshje. Kemi analizuar kundërshtarin dhe ia kemi dalë mirë t’i sulmojmë në pikat e dobëta. Kjo është fitorja më e madhe për mua. Është xhiroja e dytë në Ligën e Konferencës dhe për mua si kapiten është kënaqësi e madhe. Jam optimist se mund të kalojmë në raundin e tretë”, ka thënë Kryeziu.
