Fitorja 3:0 e Spanjës ndaj Serbisë do të thotë se Italia do të jetë në vazon e parë të shortit për Kupën e Botës, edhe nëse i humbin të dyja ndeshjet e muajit nëntor në Ligën e Kombeve.
Kështu ka shkruar të mërkurën mediumi italian “Sport Mediaset”.
Italisë i duhej vetëm një pikë për t’u kualifikuar në çerekfinalet e Ligës së Kombeve dhe për ta marrë statusin e skuadrës bartëse për shortin e Botërorit 2026.
Në muajin nëntor, Italia luan kundër Francës dhe Belgjikës.
Bartëse në shortin e Botërorit do të jenë tetë çerekfinalistët e Ligës së Kombeve dhe katër skuadrat me renditjen më të mirë të FIFA-s.
Në vazon e parë do të jenë edhe Gjermania, Spanja, Franca, Belgjika, Anglia, Portugalia, Italia dhe Holanda.
Edhe
Italia vlerësohet se do ta kishte grupin më të lehtë
Katër skuadrat tjera që janë afër për ta siguruar vazon e parë në short janë Kroacia dhe Zvicra, ndërsa Hungaria, Polonia, Danimarka dhe Serbia do të luftojnë për dy vendet e tjera.
Italia është pa humbje në katër ndeshjet e fundit, falë fitoreve ndaj Francës, dy herë ndaj Izraelit dhe barazimit me Belgjikën.
